ශ්‍රී ලංකා වෙළෙඳසේවා පාපන්දු සංගමය මගින් සංවිධානය කරන ලද පළමු කාණ්ඩයේ වෙළෙඳසේවා ලීග් ශූරතාවයත් වෙළෙඳසේවා පිළිමලුන් පිටු දැකීමේ පාපන්දු ශූරතාවයත් හිමිකර ගැනීමට එක්ස්පෝ ලංකා කණ්ඩායම පසුගියදා සමත් විය.
ඒ අනුව පළමු කාණ්ඩ අවසන් මහා තරගයේ දී එච්.එන්.බී. ඇෂුවරන්ස් කණ්ඩායම ගෝල 4-0කින් පරාජයට පත් කරමින් එක්ස්පෝ ලංකා කණ්ඩායම එහි ශූරතාව හිමිකම් කීවේය. එම තරගයේදී එක්ස්පෝ ලංකා කණ්ඩායම වෙනුවෙන් එම්.ඒ.එම්, ශහීල්, ශිරාජ් ජේන්, එම්. ශාසි සහ ශම්රි මොහොමඩ් ගෝල වාර්තා කරමින් දස්කම් දැක්වීය.
එහිදී තරගාවලියේ දක්ෂතම ක්‍රීඩකයා ලෙස එම්.ඒ.එම්. ශහීල් සම්මාන හිමිකර ගත් අතර තරගාවලියේ විශිෂ්ඨතම ගෝල රකින්නා සම්මානය එම්.එච්.එම්. හෆීස් ද සම්මාන හිමිකර ගැනීම කැපී පෙනිණි.
