ඉන්දීය දඟ පන්දු යවන ක්‍රීඩක රවිචන්ද්‍රන් අශ්වින් ජාත්‍යන්තර ක්‍රිකට් පිටියට සමුදීමට තීරණය කර තිබේ.

ඒ අනුව වහාම ක්‍රියාත්මක වන පරිදි තමන් ජාත්‍යන්තර ක්‍රිකට් පිටියෙන් සමුගන්නා බව අශ්වින් ඊයේ (18දා) නිල වශයෙන් නිවේදනය කළේය. ඕස්ටේ්‍රලියාව සමඟින් පැවැති තෙවැනි ටෙස්ට් තරගය ජය පරාජයෙන් තොරව නිමා වීමත් සමඟින් අශ්වින් මෙම තීරණය ප්‍රකාශයට පත් කිරීම විශේෂත්වයකි.
මේ වන  විට 38 හැවිරිදි වියේ පසුවන අශ්වින් සිය 14 වසරක ජාත්‍යන්තර ක්‍රිකට් දිවිය තුළ ටෙස්ට් තරග 106ක් ක්‍රීඩා කරමින් දවාගෙන ඇති කඩුලු සංඛ්‍යාව 537කි. එසේම එක්දින ජාත්‍යන්තර ක්‍රිකට් තරග 116කදී අශ්වින් කඩුලු 156ක් දවාගෙන ඇති අතර විස්සයි 20 තරග 65කදී කඩුලු 72ක් ද අශ්වින් දවාගෙන තිබේ