ශ්‍රී ලංකා පාපන්දු කණ්ඩායම වෙත ජර්මනියේ වෙසෙන ශ්‍රී ලාංකික සම්භවය සහිත තවත් ක්‍රීඩකයකු එක් කර ගෙන ඇති බව වාර්තා වේ.
ඒ අනුව ජර්මනියේ වෙසෙන ජෙරමි පෙරේරා මෙලෙස ශ්‍රී ලංකා ජාතික කණ්ඩායම ඉදිරියේදී නියෝජනය කරනු ඇත. ජර්මානු පාපන්දු ලීගයේ කැපී පෙනෙන ප්‍රහාරත්මක මැදපෙළ ක්‍රීඩකයකු වන ජෙරමි පසුගියදා ශ්‍රී ලංකා ජාතික සංචිතය සමඟින් එක් කර ගැනීම සිදු විය.
ජෙරමි පෙරේරා එළැඹෙන මාර්තු මාසයේ සිට ආරම්භ වන ආසියානු කුසලාන අවසන් වටයේ තරග වලට පෙර ශ්‍රී ලංකා කණ්ඩායම සමඟින් එක්ව තරග බිමට පිවිසෙනු ඇත.
