ආසියානු කුසලාන වයස අවුරුදු 19න් පහළ කාන්තා ක්‍රිකට් තරගාවලිය එළැඹෙන දෙසැම්බර් මාසයේ දී පැවැත්වීමට සැළසුම් කර තිබේ.
ඒ අනුව මෙවර තරගාවලිය දෙසැම්බර් මස 15 වැනිදා සිට මලයාසියාවේදී පැවැත්වීමට නියමිතව ඇත. මෙහිදී ‘ඒ’ සහ ‘බී’ වශයෙන් කාණ්ඩ 2ක් යටතේ මූලික වටයේ තරග පැවැත්වීමට නියමිතය. ‘ඒ’ කාණ්ඩය සඳහා ඉන්දියාව, පාකිස්තානය සහ නේපාලය ඇතුළත්ය. බංග්ලාදේශය, ශ්‍රී ලංකාව සහ මලයාසියාව ‘බී’ කාණ්ඩයෙන් තරග වැදීමට නියමිතව තිබේ.
මෙම තරගාවලියේදී ශ්‍රී ලංකා වයස අවුරුදු 19න් පහළ කණ්ඩායම එක්වන පළමු තරගය 15 වැනිදා සත්කාරක මලයාසියාව සමඟින් පැවැත්වේ. ඉන් අනතුරුව සුපිරි 4 වටය 19 වැනිදා සහ 20 වැනිදා පැවැත්වීමට නියමිතව ඇත.
අවසන් මහා තරගය දෙසැම්බර් මස 22 වැනිදා පස්වරු 2.00ට පැවැත්වීමට කටයුතු යොදා ඇති බව ද සඳහන්ය.
