අයි.සී.සී. විස්සයි-20 නවතම ශ්‍රේණිගත කිරීම්හි ස්ථාන 26ක් ඉදිරියට පැමිණීමට කුසල් ජනිත් පෙරේරාට හැකි වී'තිබේ. ඒ අනුව එහි 36 වැනි ස්ථානයේ රැඳී'සිටි කුසල් ජනිත් 10 වැනි ස්ථානය දක්වා ඉදිරියට පැමිණ ඇත. කෙසේ නමුත් මෙහි 6 වැනි ස්ථානයේ රැඳී'සිටි පැතුම් නිශ්ශංක 7 වැනි ස්ථානයට පත්ව තිබේ. 11 වැනි ස්ථානයේ රැඳී'සිටි කුසල් මෙන්ඩිස්ද 12 වැනි ස්ථානයට පහළ'බැස ඇත. 40 වැනි ස්ථානයේ පසු වූ චරිත් අසලංක 39 වැනි ස්ථානයට උසස් වී'තිබේ.

ටෙස්ට් පිතිකරණ ශ්‍රේණිගත කිරීම්හි 8 වැනි ස්ථානයේ රැඳී'සිටි කමිඳු 7 වැනි ස්ථානයට උසස් වෙද්දී 13 වැනි ස්ථානයේ රැඳී සිටි චන්දිමාල් 14 වැනි ස්ථානයටත් 14 වැනි ස්ථානයේ රැඳී'සිටි ධනංජය ද සිල්වා 15 වැනි ස්ථානයටත් පහළ'බැස තිබේ. 22 වැනි ස්ථානයේ පසු වූ ඇන්ජලෝ මැතිව්ස් 21 වැනි ස්ථානයට උසස් වෙද්දී 25 වැනි ස්ථානයේ පසු වූ දිමුත් කරුණාරත්නගේ ස්ථානය ආරක්ෂා වී'තිබේ.
එක්දින පිතිකරුවන් අතර 10 වැනි ස්ථානයේ රැඳී'සිටි පැතුම් නිශ්ශංක තවදුරටත් එම ස්ථානයේ රැඳී'සිටියි. 11 වැනි ස්ථානයේ සිටි චරිත් අසලංක 13 වැනි ස්ථානයටත් 23 වැනි ස්ථානයේ පසු වූ කුසල් මෙන්ඩිස් 27 වැනි ස්ථානයටත් පහළ බැස ඇත. 70 වැනි ස්ථානයේ රැඳී'සිටි ජනිත් ලියනගේ 68 වැනි ස්ථානයට උසස් වී'තිබේ.
විස්සයි-20 පන්දු යවන්නන් අතර 35 වැනි ස්ථානයේ රැඳී සිටි නුවන් තුෂාර 26 වැනි ස්ථානයට උසස් වී'තිබේ.
එක්දින තුන් ඉරියව් ක්‍රීඩකයන් අතර 13 වැනි ස්ථානයේ රැඳී සිටි වනිඳු හසරංග 11 වැනි ස්ථානයට පත්වීමද විශේෂත්වයකි. එහි 28 වැනි ස්ථානයේ රැදී'සිටි මහීෂ් තීක්ෂ්ණ 30 වැනි ස්ථානයටත් 29 වැනි ස්ථානයේ සිටි චරිත් අසලංක 33 වැනි ස්ථානයටත් පත්ව තිබේ. විස්සයි20 තුන්ඉරියව් ක්‍රීඩකයින් අතර 6 වැනි ස්ථානයේ රැඳී සිටි වනිඳු හසරංගගේ ස්ථානයේ වෙනසක් සිදු ව නැත.