ප්‍රීමා සන්රයිස් සන්නාමයේ අනුග්‍රහය සහිතව ශ්‍රී ලංකා ගොල්ෆ් සංගමය  සංවිධානය කරන 2024 විවෘත කනිෂ්ඨ ගොල්ෆ් තරගාවලිය සහ 2025 ප්‍රාදේශීය විවෘත කනිෂ්ඨ ගොල්ෆ් තරගාවලියද දෙසැම්බර් 10 සිට 12 දක්වා කොළඹ රාජකීය ගොල්ෆ් ක්‍රීඩා සමාජ ක්‍රීඩාංගණයේදී පැවැත්වෙයි.

            මෙම තරගාවලි ද්විත්වයට සහභාගී වන දේශීය හා විදේශීය ක්‍රීඩක ක්‍රීඩිකාවන්ට දෙසැම්බර් 9 වැනි දින එම ක්‍රීඩාංගනයේදීම පුහුණුවීමේ අවස්ථාව ලබාදී ඇත.

තවද මෙම කනිෂ්ඨ තරගාවලියේ වයස අවුරුදු 15-18 බාලක බාලිකා කාණ්ඩය  "ගෝල්ඩ්" ලෙසද, 13-14 බාලක බාලිකා වයස්  කාණ්ඩය "සිල්වර්" ලෙසද, 11-12 බාලක බාලිකා වයස් කාණ්ඩය"බ්‍රෝන්ස්" ලෙසද, අවුරුදු 10න් පහළ  බාලක බාලිකා වයස් කාණ්ඩය "කොපර්" ලෙස හඳුන්වති.