ඕස්ටේ්‍රලියාව සමගින් පැවැත්වීමට නියමිතව ඇති ටෙස්ට් තරගාවලියේ පළමු තරගය සඳහා ඉන්දීය නිත්‍ය නායක රෝහිත් ෂර්මා එක් නොවන බව විදෙස් මාධ්‍ය වාර්තා කර තිබිණි.

ඒ අනුව එම තරගයේදී ඉන්දීය කණ්ඩායම මෙහෙයැවීමේ වගකීම වේගපන්දු යවන ක්‍රීඩක ජස්ප්‍රිත් බුම්රා වෙත පවරා ඇති බව සඳහන්ය. කෙසේ වෙතත් බුම්රා මීට පෙර 2022 වසරේදී එංගලන්තය සමඟින් පැවැති ටෙස්ට් තරගයක් සඳහා ද නායකත්වය ලබා දී තිබේ.
මේ වන විට 30 හැවිරිදි වියේ පසුවන බුම්රා ඉන්දියාව වෙනුවෙන් ටෙස්ට් තරග 40කට, එක්දින ජාත්‍යන්තර ක්‍රිකට් තරග 89කට සහ විස්සයි20 ජාත්‍යන්තර ක්‍රිකට් තරග 70කට ක්‍රීඩා කර තිබේ.
එසේම තරග 5කින් යුත් ඉන්දියා-ඕස්ටේ්‍රලියා ටෙස්ට් තරගාවලිය එළැඹෙන 22වැනිදා ආරම්භ වීමට නියමිතව ඇත.