හිටපු ශ්‍රී ලංකා ටෙස්ට් ක්‍රිකට් නායක සනත් ජයසූරිය අන්තර්කාලීන ප්‍රධාන පුහුණුකරු ලෙස මෑතකාලීව ලැබූ සාර්ථකත්වයෙන් පසුව, එනම් නවසීලන්ත තරගාවලියේදී ශ්‍රී ලංකා කණ්ඩායම ලැබූ සාර්ථකත්වය සමග පූර්ණ කාලීන ප්‍රධාන පුහුණුකරු ලෙස වසරක කාලයක් සදහා පත් කිරීමට තීරණය කර තිබේ.
ශ්‍රී ලංකා ක්‍රිකට් කණ්ඩායමේ පෙර ප්‍රධාන පුහුණුකරු තනතුර දැරූ ක්‍රිස් සිල්වර්වුඩ්ගේ අනුප්‍රාප්තිකයා ලෙස ශ්‍රී ලංකා ක්‍රිකට් ආයතනය සනත් ජයසූරිය මහතා තාවකාලිකව පුහුණුකරු ලෙස කණ්ඩායමට කැදවූ අතර එහිදී අන්තර්වාර ප්‍රධාන පුහුණුකරු ලෙස ජයසූරිය තම හැකියාව ශ්‍රී ලංකා කණ්ඩායම තුලින් උපරිමයෙන් ප්‍රදර්ශනය කර ඇත. සිල්වර්වුඩ් එංගලන්ත තරගාවලිය ආවරණය කිරීම සඳහා මුලින් දීර්ඝ කර තිබූ ඔහුගේ කොන්ත්‍රාත්තුව දීර්ඝ නොකිරීමට තීරණය කිරීමෙන් පසු ජයසූරිය ඉන්දියාවට එරෙහි තරඟාවලිය සඳහා අතුරු ප්‍රධාන පුහුණුකරුගේ වගකීම තමා සතු කර ගත්තේය .
ඔහුගේ අතුරු පාලන කාලය තුළ ජයසූරිය කැපී පෙනෙන ප්‍රතිඵල අත්කර ගෙන ඇත. ඔහුගේ නායකත්වය යටතේ, අභියෝගාත්මක T20 තරඟාවලියකින් පසු නැවත ප්‍රබෝධමත් වෙමින් ශ්‍රී ලංකාව අගෝස්තු මාසයේදී ඉන්දියාවට එරෙහිව 2-0 එක්දින තරඟාවලියක් ජයග්‍රහණය කළේය. 2-1ක් ලෙස තරඟාවලිය පරාජය වුවද, එංගලන්තයේ පැවති තරඟාවලියේදී කණ්ඩායම ඕවල්හිදී සැලකිය යුතු ජයග්‍රහණයක් ලැබූ අතර, එහිදී තම වගකීම නිසි අයුරින් ඉටු කිරීමට සමත් විය.
නවසීලන්තයට එරෙහිව පැවැත්වෙන තරගාවලියේ ශ්‍රී ලංකාව මේ වන විට 1-0ක් ලෙස ඉදිරියෙන් සිටින අතර තරග දෙකකින් සමන්විත තරගාවලිය 2-0ක් ලෙස ජය ගැනීමට ශ්‍රී ලංකා කණ්ඩායමට තවදුරටත් අවකාශය ඉඩ හරිමින් ය.
