ඒ අනුව අදාළ තරග සංචාරය සඳහා සිවු දින තරග 2ක් සහ එක්දින තරග 3ක් ඇතුළත්ය. එහි පළමු සිවු දින තරගය නොවැම්බර් මස 11 වැනිදා සිට 14 වැනිදා දක්වා ඉස්ලාමාබාද්හිදී පැවැත්වීමට නියමිතව තිබේ. දෙවැනි සිවු දින තරගය නොවැම්බර් 18 වැනිදා සිට 21 වැනිදා දක්වා පැවැත්වීමට සැළසුම් කර ඇත්තේ ඉස්ලාමාබාද්හිදීමය.
පාකිස්තාන ශහීන්ස් කණ්ඩායම සහ ශ්‍රී ලංකා ‘ඒ’ කණ්ඩායම අතර පළමු එක්දින තරගය පැවැත්වීමට නියමිතව ඇත්තේ නොවැම්බර් මස 25 වැනිදා වන අතර දෙවැනි එක්දින තරගය නොවැම්බර් මස 27 වැනිදා පැවැත්වීමට නියමිතව තිබේ. තෙවැනි සහ අවසන් එක්දින තරගය නොවැම්බර් මස 29 වැනිදා පැවැත්වීමට නියමිතව ඇත. එක්දින තරගාවලියේ තරග ත්‍රිත්වය ද ඉස්ලාමාබාද් ක්‍රිකට් ක්‍රීඩා සමාජ ක්‍රීඩාංගණයේදීම පැවැත්වීමට සැළසුම් කර තිබීම ද විශේෂත්වයකි.
මේ අතර අදාළ තරග සංචාරය සඳහා එක්වීමේ අපේක්ෂාවෙන් ශ්‍රී ලංකා ‘ඒ’ කණ්ඩායම එළැඹෙන නොවැම්බර් මස 7 වැනිදා පාකිස්තානය බලා පිටත්ව යන බව ද ක්‍රිකට් ආයතනය නිකුත් කර තිබූ නිවේදනයක දක්වා තිබිණි.
