2024 හොංකොං සික්සස් ශූරතාවට හිමිකම් කීමට ශ්‍රී ලංකා කණ්ඩායමට අද හැකි විය. එහි අවසන් මහා තරගයේදී පාකිස්ථාන කණ්ඩායම පරාජයට පත් කරමින් ශ්‍රී ලංකා කණ්ඩායම මෙවර ශූරතාව හිමිකර ගැනීම කැපී පෙනිණි.
තරගයේ ප්‍රථමයෙන් පන්දුවට පහර දුන් පාකිස්ථාන කණ්ඩායම පන්දුවාර 5.2ක් තුළ සියලු දෙනා දැවී රැස්කරගත් ලකුණු සංඛ්‍යාව 72ක්.
ජයග්‍රහණය සඳහා ලකුණු 73ක ඉලක්කයක් හඹා ගිය ශ්‍රී ලංකා කණ්ඩායම පන්දුවාර 05ක් තුළ කඩුලු 03ක් පමණක් දැවි තරගයේ ජය වාර්තා කළහ.
ඒ අනුව ශ්‍රී ලංකාව මෙම ශූරතාවය දිනාගත් දෙවන අවස්ථාව මෙයයි.
2007 වසරේදී All-Stars කණ්ඩායම පරාජයට පත් කරමින්ද මෙම ශූරතාවට හිමිකම් කීය.
