මෙම ගිවිසුම් යටතේ හරාරේ බෝල්ට්ස් කණ්ඩායම ශ්‍රී ලංකා හිටපු නායක දසුන් ශානක තම කණ්ඩායමට එක් කරගෙන ඇති අතර ඊට අමතරව ශෙහාන් ජයසූරිය සමඟින්ද එම කණ්ඩායම ගිවිසුම්ගතව ඇත. තිසර පෙරේරා සහ බිනුර ප්‍රනාන්දු එක්වී ඇත්තේ එන්.වයි.එස්. ලැගෝස් කණඩායම සමඟිනි.

ජෝබර්ග් බන්ග්ලා ටයිගර්ස් කණ්ඩායම විසින් කුසල් ජනිත් පෙරේරා සහ චරිත් අසලංක තම පිලට එක් කර ගෙන ඇත.
මීට අමතරව එන්.වයි.එස්. ලැගෝස් කණ්ඩායමේ ප්‍රධාන පුහුණුකරු ලෙස චමින්ද වාස් කටයුතු කිරීමට නියමිතව ඇත. එසේම හරාරේ බෝල්ට්ස් පිලේ ප්‍රධාන පුහුණුකරු ලෙස කටයුතු කරන්නේ පුබුදු දසනායකයි.
මෙවර සිම් ඇෆ්රෝ ටී-10 ක්‍රිකට් තරගාවලිය මෙම මස 21 වැනිදා සිට 9 වැනිදා දක්වා සිම්බාබ්වේහි හරාරේ නුවරදී පැවැත්වීමට නියමිතව තිබේ.