ශ්‍රී ලංකා ගුවන් හමුදා හෑන්ඩ්බෝල් සංචිතය විසින් තෙවන වරටත් සංවිධානය කරනු ලබන ගුවන් හමුදා ඊගල්ස් අභියෝගතා කුසලාන හෑන්ඩ්බෝල් තරඟාවලිය සුගතදාස ගෘහස්ථ ක්‍රීඩාංගනයේදී එළැඹෙන ඉරිදා (17) දින සිට 20 වන දින දක්වා පැවැත්වීමට කටයුතු සංවිධානය කර ඇත.
ශ්‍රී ලංකාවේ හෑන්ඩ්බෝල් ක්‍රිඩාව ප්‍රචලිත කිරිමේ අරමුණින් ශ්‍රී ලංකා හෑන්ඩ්බෝල් සම්මේලනයේ පූර්ණ අධීක්ෂණය යටතේ ජාත්‍යන්තර නිතිරිතින්ට අනුකූලව ශ්‍රී ලංකා ගුවන් හමුදාව විසින් සංවිධානය කරනු ලබන මෙම තරඟාවලිය සදහා පිරිමි හා කාන්තා විවෘත තරඟාවලියක් ලෙස පැවැත්වීමට කටයුතු සංවිධානය කර ඇති අතර ත්‍රිවිධ හමුදා හෑන්ඩ්බෝල් කණ්ඩායම්, හෑන්ඩ්බෝල් ක්‍රීඩා සංගම් හා පාසැල් ක්‍රීඩා සංගම් මෙවර තරඟාවලියට සහභාගිවිම නියමිතව ඇත.
